Թուրքական զորքերը ներխուժել են Իրաք

Թուրքիայի զնված ուժերը ռազմական գործողություններ են սկսել հարևան Իրաքի տարածքում կենտրոնացած քրդական զինված ջոկատների դեմ:

Այն բանից հետո, երբ քուրդ անջատողականները հարձակվել էին Թուրքիայի սահմանապահ զորքերի վրա և սպանել 24 ու վիրավորել 18 զինծառայողների, թուրքական բանակի հատուկ ջոկատները կործանիչ ինքնաթիռների և ռազմական ուղղաթիռների ուղեկցությամբ ներխուժել են Հյուսիսային Իրաքի տարածք:

Թուրքական TRT հեռուստաալիքի փոխանցմամբ' թուրքական զորքերը մոտ 4կմ. Խորացել են հարևան պետության տարածքի մեջ: Ռազմական գործողության արդյունքում 20 քուրդ զինյալ է մահացել:

Ստեղծված իրավիճակում Թուրքիայի վարչապետ Ռեջեփ Թայիփ Էրդողանը չեղյալ է հայտարարել նախատեսված ուղևորությունը դեպի Ղազախստան, և մամլո ասուլիս հրավիրել, որը ցուցադրվել է պետական հեռուստաալիքներով:

«Մենք մտադիր չենք մեզ վրա հարձակումներ հանդուրժել ո՛չ Թուրքիայի սահմաններում, ո՛չ էլ՝ սահմաններից դուրս»,– հայտարարել է Էրդողանը։