Վենեսուելայում նավթի արդյունահանումը վերականգնելու համար տասնամյակներ կպահանջվեն. փորձագետ

Վենեսուելայի նավթարդյունաբերությանը շատ երկար ժամանակ՝ մի քանի տասնամյակ, կպահանջվի պատմական արտադրության մակարդակին վերադառնալու համար, ՏԱՍՍ-ին ասել է ամերիկացի արդյունաբերության վերլուծաբան Թոմ Կլոզան։

Նրա խոսքով՝ երկրի ներկայիս արտադրության ծավալը կազմում է ընդամենը մոտ 900 000 բարել օրական։ Համեմատության համար, 1997 թվականին՝ արդյունաբերության գագաթնակետին, Վենեսուելան օրական արտադրում էր մինչև 3,5 միլիոն բարել։

«Վենեսուելայում նավթի արտադրության վերականգնումը տասնամյակներ տևող խնդիր է», - ընդգծել է փորձագետը։

Նույնիսկ արտասահմանյան ներդրումների ակտիվ հոսքի և բարենպաստ քաղաքական միջավայրի դեպքում, նրա հաշվարկներով, օրական 2 միլիոն բարելի նշաձողին հասնելը հնարավոր չէ մինչև 2020-ականների վերջը։