Մահապարտ ահաբեկիչները գրոհել են Աֆղանստանի կառավարական շենքը

Հունվարի 21-ի առավոտյան նվազագույնը 3 մահապարտ ահաբեկիչ գրոհել է Աֆղանստանի մայրաքաղաք Քաբուլի ճանապարհային ոստիկանական վարչության շենքի վրա: Ինչպես տեղեկացնում է Reuters-ը, միջադեպը տեղի է ունեցել ժամը 5:00-ի սահմաններում: Անվտանգության ուժերի և գրոհայինների միջև պայքարը շարունակվում է: Զոհերի մասին տեղեկություններ չկան:

Ինչպես հայտնում է AFP-ն, մահապարտ ահաբեկիչը պայթյունն իրականացրել էր մեքենայում, որից հետո հաջորդել էր կրակահերթ:

Հարձակման պատասխանատվությունն իրենց վրա են վերցրել թալիբան շարժման գրոհայինները: