Արամ Ա Հայրապետը «Պահպանիչ» աղոթքով օրհնել է հայ ազգին, Եկեղեցուն և Հայրենիքին

Սուրբծննդյան և Աստվածահայտնության ճրագալույցի Սուրբ Պատարագ է մատուցվել Անթիլիասի Մայրավանքում․

«Նախագահութեամբ Ն.Ս.Օ.Տ.Տ. Արամ Ա. Կաթողիկոսին, մեր Տիրոջ ու Փրկիչին՝ Յիսուս Քրիստոսի Սուրբ Ծննդեան եւ Աստուածայայտնութեան Ճրագալոյցի Սուրբ Պատարագ մատուցուեցաւ Անթիլիասի Մայրավանքի Սուրբ Գրիգոր Լուսաւորիչ Մայր Տաճարին մէջ, Երկուշաբթի, 5 Յունուար 2026-ի երեկոյեան։ Պատարագիչն էր Գերապատիւ Տէր Ստեփանոս Ծայրագոյն Վարդապետ Փաշայեան։

Ճրագալոյցը խորհրդանիշն է Քրիստոս-Լոյսի ծննդեան։ Այդ Լոյսին աւետիսը մեզի հետ առնելով՝ կը տանինք մեր տուները՝ մեր ընտանիքներուն, աւետելով Փրկիչին սուրբ եւ հրաշափառ ծնունդը։

Սուրբ Պատարագի աւարտին, Մայր Տաճարի լուսարարապետ Գերաշնորհ Տէր Սիփան Արքեպիսկոպոս Քէչէճեան, սուրբ խորանէն առնելով Քրիստոսը խորհրդանշող լոյսը՝ յանձնեց Սրբազնագոյն Հայրապետին, որ, իր կարգին, բաշխեց հաւատացեալներուն՝ աւետելով Քրիստոսի օրհնաբեր ծնունդը։

Ապա, գլխաւորութեամբ Վեհափառ Հայրապետին եւ «Խորհուրդ մեծ եւ սքանչելի» հոգեզմայլ շարականին երգեցողութեամբ, միաբան հայրեր, դպրեվանեցիներ ու հաւատացեալներ ուղղուեցան վեհարանի դահլիճ, ուր կատարուեցաւ տնօրհնէքի աւանդական արարողութիւնը։ Աւարտին, Հայրապետը «Պահպանիչ» աղօթքով օրհնեց հայ ազգը, հայ եկեղեցին եւ Հայրենիքը։

ՔՐԻՍՏՈՍ ԾՆԱՒ ԵՒ ՅԱՅՏՆԵՑԱՒ.

ՁԵԶԻ ՄԵԶԻ ՄԵԾ ԱՒԵՏԻՍ»։