Երևանի Կապույտ մզկիթում տեղի է ունեցել գեներալ Սոլեյմանիի լուսանկարների ցուցահանդեսը

ՀՀ-ում Իրանի դեսպանությունից հայտնում են․

«Գեներալ Հաջ Ղասեմ Սոլեյմանիի նահատակության տարելիցի կապակցությամբ, Երևանի Կապույտ մզկիթում տեղի ունեցավ լուսանկարների ցուցահանդես, որին մասնակցեցին իրանցիներ, նահատակ գեներալի կյանքի պատմությամբ հետաքրքրվողներ և Իրանի մի շարք հայ բարեկամներ։

Արարողության ժամանակ Իրանի Իսլամական Հանրապետության արտակարգ և լիազոր դեսպան դոկտոր Շիրղոլամին, ողջունելով հյուրերին և շնորհավորելով Իմամ Ալիի ծննդյան և Հայրության օրվա կապակցությամբ, նշեց. «Նահատակ Սոլեյմանին ոչ միայն պարզապես ռազմական գործիչ էր, այլև իսկական հայր ճնշվածների, տառապանք ապրածների և բոլոր նրանց համար, ովքեր ենթարկվեցին ագրեսիայի ու ծայրահեղականությանը Մերձավոր Արևելքում: Քանզի նա հավատում էր, որ բոլոր մարդիկ, անկախ կրոնից, դավանանքից և գաղափարախոսությունից, իր եղբայրներն ու քույրերն են: Ահա՛ թե ինչու նա շտապեց փրկել Սինջար լեռներում ճնշված եզդի աղջիկներին և կանանց՝ վտանգելով իր կյանքը՝ նրանց օգնելու համար»:

Շիրղոլամին իր ելույթի մեկ այլ մասում ասաց. «Իրաքի Մոսուլ քաղաքի ազատագրման ժամանակ նահատակ Սոլեյմանին չասաց՝ որ նրանք սուննիներ են, իսկ մենք՝ շիաներ, և մեզ համար միևնույն է, թե ինչ ճակատագիր կլինի նրանց․ նա գնաց և ազատագրեց այդ քաղաքը: Սիրիայում, երբ նրա հրամանատարությամբ ազատագրեցին Պալմիրա քաղաքը, նա չասաց՝ իրենք քրիստոնյաներ են և մեզ հետ ոչ մի կապ չունեն: Հետևաբար, քանի դեռ կա ծայրահեղականություն, Հաջ Ղասեմի կենսակերպն ու աշխարհայացքը կենդանի են և կշարունակի ապրել»: Մենք էլ կպահպանենք մեր եղբայրական զգացմունքները սուննիների, քրիստոնյաների, այլ կրոնների և հայ ժողովրդի հետ։

Իրանի Իսլամական Հանրապետության դեսպանը շարունակեց. «Նա մաքրում էր Սուրբ Մարիամ Աստվածածնի պատկերն ավերված եկեղեցիներում և մեծարում այն, իսկ այսօր մենք այստեղ հիշատակում և մեծարում ենք խաղաղության և անվտանգության խորհրդանիշ հանդիսացող այդ հերոսին։