Կոնգրեսականները քննադատել են Վաշինգտոնի «զենքի ճոճումը» Գրենլանդիայի հարցում

ԱՄՆ Կոնգրեսի դեմոկրատ Ստենի Հոյերը և հանրապետական Բլեյք Մուրը հայտարարել են, որ Գրենլանդիայի հնարավոր անեքսիայի շուրջ Վաշինգտոնի հռետորաբանությունը ստեղծում է ավելորդ վտանգներ և խաթարում ԱՄՆ–Դանիա ռազմական համագործակցությունը։ Նրանց համատեղ հայտարարությունը հրապարակվել է՝ ի պատասխան ԱՄՆ նախագահ Դոնալդ Թրամփի հայտարարություններին, ըստ որոնց՝ Վաշինգտոնը «կարիք ունի Գրենլանդիայի»՝ ազգային անվտանգության նկատառումներով։

Կոնգրեսականները ընդգծել են, որ Դանիան ՆԱՏՕ-ի դաշնակից է և ԱՄՆ-ի ամենամոտ գործընկերներից մեկը, իսկ Գրենլանդիայի դեմ ցանկացած գործողություն կդիտարկվի որպես հարձակում դաշինքի վրա։ Նրանք նշել են, որ Կոպենհագենը տասնամյակներ շարունակ համագործակցել է Վաշինգտոնի հետ կղզում՝ համաձայնելով ամերիկյան ռազմական ներկայության ընդլայնմանը և բարձրացնելով պաշտպանական ծախսերը մինչև ՀՆԱ-ի 3,3 տոկոս։

Օրենսդիրների խոսքով՝ եթե ԱՄՆ-ին անհրաժեշտ է լրացուցիչ ռազմական ուժեր կամ հակահրթիռային ենթակառուցվածք տեղակայել Գրենլանդիայում, ապա Դանիան արդեն իսկ տվել է դրա թույլտվությունը։ Այդ պատճառով անեքսիայի սպառնալիքները ոչ միայն անտեղի են, այլև ապարդյուն կերպով վնասում են գործընկերային հարաբերություններին՝ այն պահին, երբ ՆԱՏՕ-ին «վերջին բանը, որ պետք է», դաշինքի ներսում լարվածությունն է։