ԱՄՆ-ում հայտնել են՝ երբ վերահսկողություն կսահմանեն Գրելանդիայում

ԱՄՆ-ն կարող է Գրենլանդիայի նկատմամբ վերահսկողություն սահմանել արդեն առաջիկա ամիսներին։ Նման հայտարարությամբ հանդես է եկել ամերիկյան Politico թերթը:

Պարբերականի տվյալներով՝ դա կարող է տեղի ունենալ նոյեմբերին ԱՄՆ-ում կայանալիք միջանկյալ ընտրությունների նախաշեմին և հուլիսի 4-ին ԱՄՆ անկախության 250-ամյակին: Պարբերականի կողմից հարցված փորձագետներն ու պաշտոնյաները ռիսկն անվանել են «իրական և լուրջ»:

Նրանց խոսքով՝ ամերիկյան ղեկավարության մեթոդները, հավանաբար, կտարբերվեն վենեսուելական սցենարից։ Մասնագետները նշել են, որ ԱՄՆ-ի ռազմական գործողության փոխարեն կարող են օգտագործվել քաղաքական ազդեցություն, մասնավորապես՝ տեղի քաղաքական գործիչներին կաշառելու փորձեր: