Թուրքիայում Վենեսուելայի իրադարձությունները գնահատել են որպես գլոբալ համակարգային փոփոխությունների սկիզբ

Վենեսուելայում տեղի ունեցած զարգացումները կարող են դառնալ համաշխարհային քաղաքականության լայն գործընթացների սկիզբ, որտեղ կենտրոնական դեր կստանձնեն էներգետիկան և հազվագյուտ մետաղները՝ ԱՄՆ ռազմական ռազմավարության մեջ։ Այդ գնահատականը ներկայացրել է թուրքական իշխանամետ Hürriyet թերթը՝ անդրադառնալով ԱՄՆ-ի կողմից Վենեսուելայի դեմ իրականացված գործողություններին։

Հրապարակման համաձայն՝ «թրամփիզմը» զգալի հետք է թողնելու ԱՄՆ արտաքին քաղաքականության վրա, իսկ Արևմտյան կիսագունդը կդառնա նոր աշխարհաքաղաքական ճեղքման գիծ։ Թերթը նշում է, որ աշխարհը մտնում է մի փուլ, որտեղ «իշխանությունը խոսելու է ավելի բարձր, քան կանոնները», իսկ էներգետիկ ռեսուրսների և հազվագյուտ տարրերի նշանակությունը ամերիկյան ռազմական հաշվարկներում շարունակելու է աճել։ Վենեսուելայում տեղի ունեցողը, ըստ հեղինակների, մեկ երկրի պատմություն չէ, այլ գլոբալ համակարգային փոփոխությունների սկիզբ, որտեղ շահերն ու «ուժի օրենքը» սկսում են գերակշռել սկզբունքներին։

Հիշեցվում է, որ հունվարի 3-ին ԱՄՆ-ը զանգվածային հարվածներ է հասցրել Վենեսուելային, ինչի ընթացքում երկրի նախագահ Նիկոլաս Մադուրոն և նրա կինը՝ Սիլիա Ֆլորեսը, տեղափոխվել են Նյու Յորք՝ դատական գործընթացի համար։ Միջադեպից հետո Կարակասը դիմել է ՄԱԿ-ին արտակարգ նիստ գումարելու խնդրանքով, իսկ միջազգային մի շարք դերակատարներ՝ այդ թվում Ռուսաստանը, Չինաստանը և Հյուսիսային Կորեան, քննադատել են ԱՄՆ գործողությունները՝ կոչ անելով անհապաղ ազատ արձակել Մադուրոյին և կանխել հետագա էսկալացիան։