Կամչատկայի ափերի մոտ գրանցվել է 4,8 մագնիտուդ ուժգնությամբ երկրաշարժ

Հունվարի 6-ի երեկոյան Խաղաղ օվկիանոսի ջրատարածքում՝ Կամչատկայի հարավարևելյան ափերի մոտ, տեղի է ունեցել 4,8 մագնիտուդ ուժգնությամբ երկրաշարժ։ Այդ մասին հայտնել է ՌԴ ԳԱԱ Միասնական երկրաֆիզիկական ծառայության Կամչատկայի մասնաճյուղը։

Սեյսմոլոգների տվյալներով՝ երկրաշարժը գրանցվել է տեղական ժամանակով 19:16-ին (Մոսկվայի ժամանակով՝ 10:16)։ Ստորգետնյա ցնցման էպիկենտրոնը գտնվել է Պետրոփավլովսկ-Կամչատսկի քաղաքից մոտ 69 կիլոմետր հեռավորության վրա, իսկ օջախը տեղակայված է եղել շուրջ 39,7 կիլոմետր խորության վրա։

Մասնագետների գնահատմամբ՝ Պետրոփավլովսկ-Կամչատսկիի հիմնական հատվածում երկրաշարժը զգացվել է մինչև 4 բալ ուժգնությամբ, որոշ շրջաններում՝ մինչև 5 բալ։ Նշվում է, որ հուլիսի 30-ին տարածաշրջանում տեղի ունեցած 1952 թվականից ի վեր ամենահզոր՝ 8,8 մագնիտուդ ուժգնությամբ երկրաշարժից հետո Կամչատկայում շարունակվում են հետցնցումները, որոնց ինտենսիվությունն աստիճանաբար նվազում է, սակայն երկրամասում շարունակում է գործել բնական արտակարգ իրավիճակի ռեժիմը։