ՌԴ ԱԳՆ-ն արձագանքել է ԱՄՆ ռազմական նավերի կողմից ռուսական տանկերի հետապնդմանը

Ռուսաստանը ուշադիր հետևում է ԱՄՆ ռազմական նավերի կողմից ռուսական Marinera նավթատարի հետապնդման շուրջ ստեղծված իրավիճակին։ Այդ մասին «Իզվեստիա»-ին հայտնել են ՌԴ արտաքին գործերի նախարարություն-ում՝ ընդգծելով, որ խոսքը միջազգային իրավունքի շրջանակում նավարկող նավի մասին է։

ՌԴ ԱԳՆ-ում նշել են, որ ԱՄՆ առափնյա պահպանությունը ռուսական դրոշի տակ նավարկող տանկերին հետապնդում է ԱՄՆ ափերից մոտ 4 հազար կիլոմետր հեռավորության վրա։ Դիվանագիտական գերատեսչությունում ընդգծել են, որ նավը գործում է միջազգային նորմերին համապատասխան և հույս են հայտնել, որ Արևմտյան երկրները կհարգեն բաց ծովում նավագնացության ազատության սկզբունքը։

Հայտնի է, որ ռուսական դրոշի տակ գտնվող տանկերը ամերիկյան ռազմական ուժերի կողմից հետապնդվում է դեկտեմբերի 24-ից։ Հունվարի 4-ին հաղորդվել էր, որ ԱՄՆ ռազմածովային ուժերի երեք հետախուզական Boeing P-8A Poseidon ինքնաթիռներ սկսել են հետևել Marinera-ին։ Ավելի վաղ՝ հունվարի 1-ին, ՌԴ կառավարությունը ԱՄՆ-ին դիվանագիտական նոտա էր հղել՝ պահանջելով դադարեցնել Վենեսուելա ուղևորվող Bella 1 տանկերի հետապնդումը։