Դմիտրիևը մեկնաբանել է Պուտինի, Թրամփի և Սի Ցզինփինի միջև աշխարհը «բաժանող» քարտեզը
Համաշխարհային Մամուլ
ՌԴ նախագահի հատուկ ներկայացուցիչը ներդրումային և տնտեսական համագործակցության հարցերով, ՌԴ Ուղիղ ներդրումների հիմնադրամի ղեկավար Կիրիլ Դմիտրիևը արձագանքել է սոցիալական ցանցերում տարածված կատակային քարտեզին, որը պատկերում է աշխարհը՝ բաժանված Ռուսաստանի նախագահ Վլադիմիր Պուտինի, ԱՄՆ նախագահ Դոնալդ Թրամփի և Չինաստանի առաջնորդ Սի Ցզինփինի միջև։ Դմիտրիևը գրառումը կատարել է X սոցիալական հարթակում։
«Ազդեցության քարտեզների վերաձևման դարաշրջան», — գրել է Դմիտրիևը՝ հավելելով, որ քարտեզում չնշված Եվրամիությունը «ուշադիր հետևում է իրավիճակին»։ Նրա մեկնաբանությունը հնչել է կատակային, սակայն քաղաքական ենթատեքստ ունեցող հրապարակման ֆոնին։
Տարածված պատկերում աշխարհի քարտեզը բաժանված է երեք մասի․ Ռուսաստանը, Եվրոպան, Հյուսիսային Աֆրիկան, ինչպես նաև Ղազախստանի, Անդրկովկասի և Թուրքիայի մի հատված նշված են «Պուտին» մակագրությամբ, Հարավային Ասիան, Օվկիանիան և Աֆրիկայի հարավը՝ «Սի», իսկ Արևմտյան կիսագունդը՝ «Ես» գրությամբ, որը, ենթադրաբար, վերաբերում է Սպիտակ տան ղեկավարին։ Ավելի վաղ Դմիտրիևը նաև հայտարարել էր, որ Գրենլանդիան արդեն որոշում է կայացրել ԱՄՆ հայտարարությունների ֆոնին՝ մեկնաբանելով Վաշինգտոնից հնչած աղմկահարույց ձևակերպումները։
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
