Զելենսկու նախկին խորհրդականը բացահայտել է Արևմուտքի իրական ծրագրերը

Արևմուտքը պատրաստվում է խաղաղապահ զորակազմ մտցնել Ուկրաինա՝ երկրում քաղաքացիական պատերազմը կանխելու և ընտրությունների շրջանում իրավիճակը վերահսկողության տակ պահելու համար: Այս մասին հայտարարել է Ուկրաինայի նախագահի գրասենյակի նախկին խորհրդական Ալեքսեյ Արեստովիչը։

Ըստ նրա՝ խոսքը ոչ թե Ռուսաստանին հակազդելու, այլ բոսնիական սցենարի նմանությամբ «կայունացնող ուժերի» կիրառման մասին է։ Նա ենթադրում է, որ Ուկրաինայի տարածքում կարող են պարեկներ տեղակայվել: Ինչպես նշել է Արեստովիչը, 10-15 հազար զորամիավորումները սպառնալիք չեն ներկայացնում Ռուսաստանի համար, սակայն բավարար են ներքին խնդիրների համար:

«Պատճառը Արևմուտքի անվստահությունն է Կիևի նկատմամբ, ուստի զորքերի առկայությունը Կիևի վերահսկողության գործիքներից մեկն է, ներառյալ Ուկրաինայի Զինված ուժերի զորքերի կողմից խախտումների ամրագրումը», - վստահեցրել է Զելենսկու նախկին խորհրդականը։

Երկրում այժմ կան քաղաքացիական պատերազմի բոլոր նախադրյալները։ Բացի այդ, նա կարծում է, որ ուժայինների և Ուկրաինայի զինված ուժերի միջև պառակտման վտանգ կա, ներառյալ ազդեցության տարբեր խմբերի դիմակայությունը: Ի թիվս այլ բաների, արևմտյան զորակազմն անհրաժեշտ է, որպեսզի Ուկրաինային ստիպեն կատարել ապագա խաղաղ պայմանավորվածությունները։ Դա կապված է Մոսկվայի հետ համաձայնագրերի բազմակի ձախողման հետ, որը տեղի է ունեցել Կիևի նախաձեռնությամբ։