Եվրոպան Թրամփին կոչ Է արել հարգել սահմանները
Աշխարհ
Եվրոպական առաջնորդները համախմբվել են Դանիայի շուրջ՝ Գրենլանդիայի նկատմամբ ԱՄՆ նախագահ Դոնալդ Թրամփի հետաքրքրության ֆոնին: Ֆրանսիայի, Գերմանիայի, Իտալիայի, Լեհաստանի, Իսպանիայի, Մեծ Բրիտանիայի և Դանիայի ղեկավարների համատեղ հայտարարությունը հրապարակվել է Դանիայի կառավարության կայքում:
Հին աշխարհի երկրների ղեկավարները նախազգուշացրել են, որ գոյություն ունեցող սահմանները քննարկման ենթակա չեն: Նրանք նաև նշել են, որ Արկտիկայում անվտանգությունը պետք է ապահովվի ՆԱՏՕ-ի միջոցով:
«Մենք և դաշինքի շատ այլ համախոհներ մեծացրել ենք այնտեղ մեր ներկայությունը, որպեսզի ապահովենք Արկտիկայի անվտանգությունը և զսպենք հակառակորդներին։ Հետևաբար, Արկտիկայում անվտանգությունը պետք է ապահովվի հավաքականորեն, ներառյալ ԱՄՆ-ն, ՄԱԿ-ի կանոնադրության սկզբունքներին համապատասխան: Դրանք համընդհանուր սկզբունքներ են, և մենք չենք դադարի պաշտպանել դրանք», - ասվում է փաստաթղթում։
«Գրենլանդիան պատկանում է իր ժողովրդին։ Դանիան և Գրենլանդիան, և միայն նրանք կարող են որոշումներ կայացնել Դանիային և Գրենլանդիային վերաբերող հարցերի վերաբերյալ», - ամփոփել են քաղաքական գործիչները:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
