Մանկապարտեզները կունենան 6 ամսականներից սկսած մսուրի ծառայություն. ԿԳՄՍ նախարար

«Այս տարի արդեն ունենալու ենք 6 ամսականներից սկսած մսուրի  ծառայություն։  Ընդհանուր առմամբ, մսուրի զարգացումը լինելու է մեր առաջիկա ծրագրերի թիրախը»,- ասուլիսում հայտարարեց ԿԳՄՍ նախարար Ժաննա Անդրեասյանը։

Նա հիշեցրեց, որ 2025 թվականին նախադպրոցական կրթության ոլորտում շատ կարևոր ծառայություն էին մենարկել՝ մինչև 2 տարեկան երեխաների մսուրի  ծառայությունը։

«Սա մի բան է, որը պետական նախադպրոցական կրթության ոլորտում թերևս խորհրդային ժամանակներից հետո չի եղել։ Երևանում ունենք մանկապարտեզներ, դրանց միանալու են մանկապարտեզներ  Հրազդանում, Վանաձորում, Գյումրիում, որտեղ գործում են վաղ մանկության տարիքի խմբերը»,- ասաց Ժ. Անդրեասյանը։

Նա նաև նշեց, որ նախորդ տարվա համեմետ, ավելի մեծ ցուցանիշ ունեն ներառականության մասով. «Այսօր սովորում են ավելի քան 1700 կրթության և զարգացաման առանձնահատուկ պայմանների կարիք ունեցող երեխաներ։

Երբ այս ծրագիրը սկսեցինք, ընդամենը 91-ն էին»։