Գրենլանդիան բաց է ԱՄՆ լրացուցիչ զորքերի տեղակայման համար. ՆԱՏՕ-ի գլխավոր քարտուղար
Համաշխարհային Մամուլ
ՆԱՏՕ-ի գլխավոր քարտուղար Մարկ Ռյուտտեն հայտարարել է, որ Գրենլանդիան պատրաստ է ընդունել ԱՄՆ լրացուցիչ զինվորականներին։ Այս մասին նա ասել է CNN-ին տված հարցազրույցում՝ ընդգծելով, որ տվյալ հարցի շուրջ քննարկումները լիովին բաց են և որևէ խնդիր չեն առաջացնում։
«Ինչ վերաբերում է հենց Գրենլանդիային, ապա քննարկումը ամբողջությամբ բաց է այնտեղ լրացուցիչ ամերիկյան զորքերի տեղակայման համար։ Դրա համար կան համապատասխան համաձայնագրեր»,– նշել է Ռյուտտեն։ Նրա խոսքով՝ ՆԱՏՕ-ի շրջանակում նման քայլերը դիտարկվում են գործող իրավական մեխանիզմների շրջանակում։
Ավելի վաղ Reuters գործակալությունը, հղում անելով Սպիտակ տանը, հայտնել էր, որ ԱՄՆ իշխանությունները դիտարկում են Գրենլանդիան վերահսկողության տակ վերցնելու մի քանի սցենարներ, այդ թվում՝ ռազմական ուժի կիրառմամբ։ Միևնույն ժամանակ Ֆրանսիայի արտգործնախարար Ժան-Նոել Բարոն հայտարարել է, որ ԱՄՆ պետքարտուղար Մարկո Ռուբիոն իրեն վստահեցրել է՝ Վաշինգտոնը մտադիր չէ ամերիկյան զորքեր մտցնել Գրենլանդիա կամ այնտեղ ռազմական գործողություն սկսել՝ Վենեսուելայի սցենարի նման։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
