Թրամփը վախենում էր Վենեսուելայում ռազմական գործողության ձախողումից. NYT

ԱՄՆ նախագահ Դոնալդ Թրամփը վախենում էր Վենեսուելայում ռազմական գործողությունից, որը նման կլիներ 1980 թվականին Իրանում ԱՄՆ նախկին նախագահ Ջիմի Քարթերի կրած աղետին, որը «կործանեց նրա վարչակազմը»։ Նա այս մասին խոսել է The New York Times-ին տված հարցազրույցում։

Թրամփը հիշել է 1980 թվականի ապրիլի 24-ի «աղետալի գործողությունը», որի նպատակն էր փրկել Իրանում պահվող 52 ամերիկացի պատանդներին։

Ամերիկյան ուղղաթիռը անապատում բախվել է ինքնաթիռի։ Սպիտակ տան ղեկավարի խոսքով՝ սա ողբերգություն էր, որը խաթարեց Քարթերի «ժառանգությունը», բայց դա հանգեցրեց ավելի պատրաստված հատուկ նշանակության ուժերի ստեղծմանը։

«Ես չգիտեմ՝ Քարթերը կհաղթեր ընտրություններում, թե ոչ, բայց այդ աղետից հետո նա, անշուշտ, հնարավորություն չուներ», - ասել է նա։