Մենք բազմիցս նախազգուշացրել ենք Արևմուտքին․ Զախարովա

Ուկրաինայում Արևմուտքի զորքերի և ռազմական օբյեկտների տեղակայումը կդիտարկվի որպես միջամտություն, որը սպառնալիք է Ռուսաստանի անվտանգությանը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Գերատեսչության մեկնաբանությունը հրապարակվել է ԱԳՆ կայքում։

«Ուկրաինայի տարածքում արևմտյան երկրների ռազմական ստորաբաժանումների, ռազմական օբյեկտների, պահեստների և այլ ենթակառուցվածքների տեղակայումը որակվելու է որպես օտարերկրյա միջամտություն, որն ուղղակի սպառնալիք է ոչ միայն Ռուսաստանի, այլև Եվրոպայի այլ երկրների անվտանգությանը», - ասվում է հաղորդագրության մեջ:

Զախարովան հավելել է, որ այդ նախազգուշացումները բազմիցս հնչեցվել են ամենաբարձր մակարդակով և մինչ օրս արդիական են: