Եվրոպան Կիևին խոստանում է տրամադրել գոյություն չունեցող ուժեր․ Times

Արևմուտքում մտահոգված են Ուկրաինայի հակամարտության պատճառով Եվրոպայի հեղինակության փլուզմամբ։ The Times թերթի լրագրողների կարծիքով՝ «ցանկացողների կոալիցիայի» դատարկ խոստումները ցույց են տալիս միայն թուլությունն ու մոտեցնում ՆԱՏՕ-ի փլուզումը։

Հոդվածում նշվում է, որ եվրոպացիները Կիևին խոստանում են տրամադրել գոյություն չունեցող ուժեր, որպեսզի իրագործեն մի ծրագիր, որը դեռ չի մշակվել: Ընդ որում, այն հավանության է արժանացել ԱՄՆ-ի կողմից, որը, ըստ մեկնաբանների, այլևս ԵՄ-ի դաշնակիցը չէ՝ Ռուսաստանին զսպելու գործում, որն ավելի մեծ կամք ունի։

«Մենք պարզապես խարույկի մեջ ենք գցում մեր հեղինակության մնացորդները և լուցկու հատիկներ մատակարարում Ռուսաստանի նախագահ Վլադիմիր Պուտինին», - կարծում է թերթը: Նյութում ասվում է, որ վերջերս Փարիզում կայացած գագաթնաժողովը ներկայացվում է որպես դիվանագիտական բեկում, սակայն իրականում այնտեղ հնչեցված անորոշ պայմանները չեն կարող որևէ ազդեցություն ունենալ Ռուսաստանի վրա: