Իսրայելը մտադիր է կտրուկ արագացնել Նեգևի անապատում բնակավայրերի կառուցման տեմպը

Իսրայելը զգալիորեն կարագացնի երկրի հարավում գտնվող Նեգևի անապատում բնակեցման տեմպը։ Այս մասին հայտարարել է վարչապետ Բենիամին Նեթանյահուն, հաղորդում է ՏԱՍՍ-ը։

Նեթանյահուն, մի քանի կաբինետի անդամների ուղեկցությամբ, աշխատանքային այցով մեկնել է Արևմտյան Նեգև, որտեղ վերջերս սրվել է հրեական բնակչության և անապատում ապրող բեդվինների միջև լարվածությունը։ Նա հայտարարել է Նեգևում կարգուկանոնը վերականգնելու և այն Իսրայելին «վերադարձնելու» անհրաժեշտության մասին։ Նեթանյահուն խոստացել է վերջ դնել Նեգևում տիրող հանցավոր քաոսին և հայտարարել է, որ արդեն սկսվել է ոստիկանության և անվտանգության համատեղ գործողություն։

Դրանից հետո, վարչապետի խոսքով, Իսրայելը անապատը կբնակեցնի «աննախադեպ մասշտաբով»։