Ինչ է ասել Բրիջիդ Բարդոն մահվան պահին․ ամուսնինը անկեղծացել է

Ֆրանսիացի դերասանուհի Բրիջիդ Բարդոյի մահվան պատճառը քաղցկեղն է։ Այդ մասին հայտարարել է նրա ամուսինը՝ Բեռնար դ'Օրմալը։

Բարդոն մահացել է դեկտեմբերի 28-ին՝ 91 տարեկան հասակում։ Նրա հուղարկավորել են մահվանից գրեթե 10 օր անց՝ Ֆրանսիայի հարավում գտնվող Սեն Տրոպե հանգստավայրի ռազմածովային գերեզմանատանը։

«Նա անցկացրել է քաղցկեղի բուժման երկու վիրահատություն, որոնք նա շատ լավ էր տանում»,-Paris Match ամսագրին ասել է Դ'Օրմալը ։

Դերասանուհու ամուսինը հայտնել է, որ նա տառապում էր մեջքի ուժեղ ցավերից, որոնք թուլացնում էին նրան։ Նա ասել է, որ վերջին ամիսներին Բարդոն հայտարարել է, որ ինքը հոգնել է և ուզում է հեռանալ։

Խոսելով կնոջ կյանքի վերջին րոպեների մասին Դ'Օրմալն ասել է․ «Ես քնել էի նրա կողքին՝ մեկ աչքս բաց։ Ես արթնացա, երբ լսեցի, թե ինչպես նա ասաց «Պյու–պյու», դա քաղցր դիմելաձև է։ Այդպես էինք մենք միմյանց դիմում այն ժամանակ, երբ երկուսով էինք լինում։ Այդպես ամեն ինչ ավարտվեց»։