Փարիզում ֆերմերները տրակտորներով դուրս են եկել բողոքի ակցիայի

Ֆրանսիայի տարածաշրջաններից հարյուրավոր ֆերմերներ են տրակտորներով ժամանել Փարիզ, որտեղ բողոքի ակցիա են անցկացնում Հարավամերիկյան ընդհանուր շուկայի (MERCOSUR)  հետ Եվրամիության առևտրային համաձայնագրի ստորագրման դեմ:

Ֆերմերները, մասնավորապես, հավաքվել են Հաղթանակի կամարի և Էյֆելյան աշտարակի մոտ: Նրանք նաև դժգոհություն են հայտնում կենդանիների զանգվածային մորթ դեմ՝ խոշոր եղջյուրավոր անասուններին ախտահարող մաշկային հիվանդության պատճառով, այս մասին հայտնոմ է Reuters-ը։

Ֆրանսիայի կառավարությունը Փարիզում անցկացվող ցույցերը համարել է անօրինական և հայտարարել համապատասխան միջոցներ ձեռնարկելու մտադրության մասին: Կառավարությունից հայտնել են, որ  մտադիր են ֆերմերների խնդիրները լուծել երկխոսության միջոցով։