ՆԳՆ-ն Կարգապահական հանձնաժողովի կազմում հասարակական միավորումների ընդգրկման հայտարարություն է տարածել

ՀՀ ՆԳՆ-ն հայտարարություն է տարածել Կարգապահական հանձնաժողովի կազմում հասարակական միավորումների ներկայացուցիչներ ընդգրկելու նպատակով հայտերի ընդունելության վերաբերյալ։

«Ներքին գործերի նախարարությունը հայտարարում է կարգապահական հանձնաժողովի կազմում հասարակական միավորումների ներկայացուցիչներ ընդգրկելու վերաբերյալ հայտերի ընդունելություն։

Հայտ կարող են ներկայացնել Հայաստանի Հանրապետությունում գործող այն հասարակական միավորումները, որոնք ունեն առնվազն վեց ամսվա գործունեություն:

Յուրաքանչյուր հասարակական միավորում հայտ կարող է ներկայացնել միայն մեկ լիազոր ներկայացուցչի համար: Ներկայացուցիչը պետք է լինի Հայաստանի Հանրապետության քաղաքացի, տիրապետի հայերեն գրավոր և բանավոր լեզվին։

Հասարակական միավորման կողմից հայտ չի կարող ներկայացվել այն ներկայացուցչի համար, որը դատապարտվել է հանցագործություն կատարելու համար, և դատվածությունը սահմանված կարգով հանված կամ մարված չէ և (կամ) տառապում է ՀՀ կառավարության 2019 թվականի փետրվարի 15-ի թիվ 98-Ն որոշմամբ հաստատված ցանկով նախատեսված հիվանդություններից որևէ մեկով: Հիշյալ պահանջների ապահովման համար պատասխանատու են հայտը ներկայացնող հասարակական միավորման ներկայացուցիչը և հասարակական միավորման գործադիր մարմնի ղեկավարը:

Հայտում անհրաժեշտ է ներկայացնել հետևյալ տեղակատվությունը`

1) հասարակական միավորման անվանումը,

2) հասարակական միավորման գտնվելու վայրը,

3) հասարակական միավորման գործունեության բնույթը,

4) գործադիր մարմնի ղեկավարի անունը, ազգանունը, անձնագրային տվյալները (եթե հայտը ներկայացնողը հասարակական միավորման գործադիր մարմնի ղեկավարը չէ, ապա ներկայացնում է նաև հասարակական միավորման կողմից տրված լիազորագիրը),

5) ներկայացուցչի անունը, ազգանունը, անձնագրային տվյալները, հեռախոսահամարները, էլեկտրոնային փոստի հասցեն:

Սահմանված ձևի հայտերը պետք է ներկայացնել ք. Երևան, Նալբանդյան 57 հասցեով, հեռ. 011-52-93-38, էլ. փոստ՝ [email protected], 2026թ. հունվարի 9-ից 30-ը ներառյալ, աշխատանքային օրերին` ժամը 10-ից 18-ը:

Կից ներկայացվում է հայտի օրինակելի ձևը»,-ասվում է հայտարարության մեջ: