«Մարդ եղիր, տղաս»․ Քրիստինե Պեպելյանի հուզիչ հրապարակումը

ԱՄՆ–ում բնակվող երգչուհի Քրիստինե Պեպելյանը որդու մասնակցությամբ ջերմ տեսանյութ է հրապարակել ու կից գրել․

«Իմ Արեգ տղա։
Դու դեռ փոքր ես, և կյանքը քեզ համար դեռ խաղ է, ժպիտ ու անհոգ օրեր։ Շատ բան դեռ չես հասկանում էս աշխարհի խաղերից ու փորձություններից։ 

Բայց իմացիր, որ ամենակարևորը մարդ մնալն է՝ ցանկացած իրավիճակում։

Կյանքում ազնիվ ընկերներ ընտրիր, տղաս։

Ու կարևոր չէ՝ ինչ ունեն նրանք կամ ինչ կարող են տալ քեզ` նյութականով։ Կարևորը՝ ինչ սիրտ ունեն ու ինչ արժեքներ այդ սրտի մեջ։

Համոզված եղիր` մաքուր ու ազնիվ սիրտն է մարդու ամենամեծ պարգևն ու հարստությունը , որը ոչ ոք չի կարող խլել :

Շիտակ եղիր քո խոսքում ու քո քայլերում։
Օգտակար եղիր մարդկանց՝ ոչ շահի համար, այլ մարդկային լինելու։
Հիշի´ր տղաս բարություն անելն ուժ է, ոչ թե թուլություն
Մարդ եղիր, տղաս…Մարդ մնա ինչ էլ, որ լինի
Ու հիշիր, որ քեզնով ես աշխարհի ամենաերջանիկ մայրն եմ!»