Մեդվեդևը Մադուրոյի «առևանգումը» որակել է որպես համաշխարհային աղետ

Ռուսաստանի Անվտանգության խորհրդի նախագահի տեղակալ Դմիտրի Մեդվեդևը կոշտ արձագանք է տվել Վենեսուելայում ԱՄՆ հատուկ գործողությանը և երկրի նախագահ Նիկոլաս Մադուրոյի ենթադրյալ առևանգմանը։ Քաղաքական գործիչը համապատասխան գրառումը հրապարակել է իր Telegram-ալիքում՝ կատարվածը որակելով որպես միջազգային հարաբերություններում «համաշխարհային աղետ»։

«Սա, իհարկե, լկտիություն և զազրելի քայլ է, կամ՝ ավելի գեղեցիկ ձևակերպմամբ, համաշխարհային մասշտաբի աղետ միջազգային հարաբերությունների ոլորտում»,– գրել է Մեդվեդևը։ Նրա գնահատմամբ՝ ստեղծված իրավիճակում Մադուրոյի համար հնարավոր են երկու սցենարներ՝ կամ ԱՄՆ-ն նրան ազատ կարձակի «պատշաճ պատճառաբանությամբ», կամ նա կդառնա լատինամերիկյան նոր Նելսոն Մանդելա և իր անունը կգրվի տարածաշրջանի պատմության մեջ՝ Սիմոն Բոլիվարի, Ֆրանսիսկո դե Միրանդայի և Ուգո Չավեսի կողքին։

Մեդվեդևի կարծիքով՝ երկրորդ սցենարի իրականացումն ավելի հավանական է։ Նա նաև հավելել է, որ անգամ եթե ԱՄՆ նախկին նախագահ Դոնալդ Թրամփը անձնական պատճառներով ժամանակ անց չներման Մադուրոյին, հասարակական ճնշման ներքո դա կարող է անել նրա իրավահաջորդը։