ՆԱՏՕ-ն պլանավորում է ուժեղացնել իր ներկայությունը Արկտիկայում
Աշխարհ
ՆԱՏՕ-ի երկրները պլանավորում են ուժեղացնել իրենց ռազմական ներկայությունը Արկտիկայում՝ ԱՄՆ-ի կողմից Գրենլանդիան գրավելու սպառնալիքների ֆոնին, հաղորդում է Politico-ն՝ հղում անելով երեք դիվանագետների։
Հունվարի 8-ին՝ հինգշաբթի օրը, Բրյուսելում տեղի ունեցած փակ հանդիպման ժամանակ, դաշինքի դեսպանները համաձայնության են եկել կազմակերպության արկտիկական թևը ամրապնդելու անհրաժեշտության հարցում։
ՆԱՏՕ-ի անդամ պետությունների ներկայացուցիչները առաջարկել են օգտագործել հետախուզական հնարավորությունները տարածքն ավելի արդյունավետ վերահսկելու համար, ավելացնել Արկտիկայի պաշտպանության ծախսերը, տարածաշրջանում ավելի շատ ռազմական տեխնիկա տեղակայել և տարածքում ռազմական վարժանքներ անցկացնել։
Լրագրողները նշում են, որ այս գաղափարները վկայում են Եվրոպայում ԱՄՆ-ի կողմից Գրենլանդիայի մասին մտադրությունների վերաբերյալ մտահոգության աճի մասին։ Այս շաբաթ Սպիտակ տունը ամրապնդել է կղզու նկատմամբ իր պահանջները և բազմիցս հրաժարվել է բացառել դրա ռազմական գրավման հնարավորությունը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
