Կալինինգրադի նախկին քաղաքապետը զոհվել է որսի ընթացքում տեղի ունեցած դժբախտ պատահարի հետևանքով

Կալինինգրադի նախկին ղեկավար Եվգենի Լյուբիվին մահացել է դժբախտ պատահարի հետևանքով։ «Կոմսոմոլսկայա պրավդա»-ի փոխանցմամբ՝ 51-ամյա նախկին պաշտոնյան մեկնել էր որսի, որից հետո նրան գտել են փակ տարածքում՝ աշխատող գազային այրիչով։

Ըստ նախնական տեղեկությունների՝ ողբերգության պատճառը կարող է լինել այրման արգասիքներով թունավորումը։ Դեպքի մասին տեղեկությունը հաստատել է նաև Կալինինգրադի ավագանու ղեկավար Օլեգ Ամինովը՝ նշելով, որ Լյուբիվին իր կյանքը նվիրել էր մարդկանց ծառայելուն՝ նախ որպես բժիշկ, ապա որպես հասարակական գործիչ։

Լյուբիվին Կալինինգրադի ղեկավարի պաշտոնը զբաղեցրել է 2021 թվականի սեպտեմբերից մինչև 2023 թվականի մարտը։ Մինչ այդ նա ղեկավարել է քաղաքի շտապ բժշկական օգնության կլինիկական հիվանդանոցը և եղել է տարածաշրջանային առողջապահության նախարարության գլխավոր արտահաստիքային վիրաբույժը։ Նրանից մնացել են որդի և դուստր։