Ռուսաստանը կհամաձայնվի Ուկրաինայի հարցի խաղաղ կարգավորմանը. Բունդեսթագի պատգամավոր Լաշետ

Բունդեսթագի արտաքին հարաբերությունների հանձնաժողովի նախագահ Արմին Լաշետը հայտարարել է, որ Ռուսաստանը կհամաձայնվի Ուկրաինայի հակամարտության խաղաղ կարգավորմանը։ Այս մասին հաղորդել է գերմանական n-tv հեռուստաալիքը՝ հղում անելով Funke մեդիա խմբի հետ նրա հարցազրույցին։

«Ես տպավորություն ունեմ, որ ամերիկացիները համակարգում են յուրաքանչյուր քայլը Մոսկվայի հետ և ավելի մոտ են համապարփակ լուծմանը, քան հանրությունը գիտի։ Հակառակ դեպքում նրանց բանակցային ջանքերը դժվար կլինեին բացատրել», - ասել է նա։

Լաշետը նաև նշել է, որ Վոլոդիմիր Զելենսկին «չէր ցուցաբերի նման պատրաստակամություն փոխզիջման գնալու, եթե մյուս կողմից անուղղակի ազդանշաններ չլինեին»։