ԱՄՆ-ն և Ուկրաինան պատրաստվում են գրեթե տրիլիոն դոլարի համաձայնագիր ստորագրել

Կիևը և Վաշինգտոնը նախատեսում են Ուկրաինայի համար գրեթե տրիլիոն դոլարի վերակառուցման համաձայնագիր ստորագրել։ Այս մասին գրում է բրիտանական The Telegraph թերթը՝ հղում անելով ուկրաինացի և արևմտյան պաշտոնյաներին։

«Ուկրաինայի և ԱՄՆ նախագահներ Վոլոդիմիր Զելենսկին և Դոնալդ Թրամփը կմեկնեն շվեյցարական լեռնային հանգստավայր, որտեղ, ինչպես սպասվում է, նրանք կհանդիպեն և կձևակերպեն համաձայնագիրը։ Ուկրաինացի պաշտոնյաների խոսքով՝ բարգավաճման ծրագիրը նպատակ ունի տասը տարվա ընթացքում Ուկրաինայի վերակառուցման համար ներգրավել մոտ 800 միլիարդ դոլար», - նշվում է հրատարակության մեջ։