Սիրիայի անվտանգության ուժերը ստորաբաժանումներ են տեղակայել Հալեպի թաղամասերից մեկում
Մերձավոր Արևելք
Սիրիայի անցումային կառավարության անվտանգության ուժերն ավարտել են իրենց ստորաբաժանումների տեղակայումը Հալեպի Շեյխ Մահսուդ թաղամասում՝ քրդական կոալիցիայի կողմից ղեկավարվող մարտիկների դեմ գործողություններից հետո։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտնում է «Al-Ikhbariya» հեռուստաալիքը։
Ավելի վաղ՝ սիրիական բանակը հայտարարել է Հալեպի Շեյխ Մահսուդ թաղամասը քրդերի գլխավորած կոալիցիայի՝ «Սիրիայի դեմոկրատական ուժեր» կազմակերպության մարտիկներից ազատելու գործողության մեկնարկի մասին, քանի որ նրանք հրաժարվել էին կամավոր լքել տարածքը։
Հալեպում իրավիճակը սրվել էր հունվարի 6-ին, երբ «Սիրիայի դեմոկրատական ուժեր» զինված խմբավորումը անօդաչու թռչող սարքեր օգտագործեց կառավարական դիրքերի վրա հարձակվելու համար:
Հրադադարի խախտմանն ի պատասխան՝ սիրիական բանակը ոչնչացրել է Շեյխ Մահսուդ թաղամասում գտնվող քրդերի կողմից ղեկավարվող զինամթերքի պահեստը, որից հետո Հալեպի մի քանի թաղամասերում սկսվել է ինտենսիվ փոխհրաձգություն:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
