Թրամփին դուր է եկել Ռուբիոյին Կուբայի նախագահ նշանակելու գաղափարը
Աշխարհ
ԱՄՆ նախագահ Դոնալդ Թրամփը խորհուրդ է տվել Կուբային համագործակցել Վաշինգտոնի հետ՝ «քանի դեռ ուշ չէ»։
«Ես համառորեն կոչ եմ անում նրանց գործարք կնքել, քանի դեռ ուշ չէ», - կիրակի օրը գրել է նա TruthSocial սոցիալական ցանցում։
Ըստ Թրամփի՝ «տարիներ շարունակ Կուբան ապրել է Վենեսուելայից ստացվող մեծ քանակությամբ նավթով և փողով»։
«Ի պատասխան՝ Կուբան «անվտանգության ծառայություններ» է մատուցել վերջին երկու վենեսուելացի բռնապետերին, բայց դա այլևս այդպես չի լինի։ Այդ կուբացիների մեծ մասը մահացել է անցյալ շաբաթ ԱՄՆ-ի հարձակումից հետո, և Վենեսուելան այլևս պաշտպանության կարիք չունի այն ավազակներից և շորթողներից, որոնք տարիներ շարունակ նրանց պատանդ են պահել», - գրել է ԱՄՆ նախագահը։
Նա ընդգծել է, որ «այլևս ոչ նավթ, ոչ էլ փող չի մտնի Կուբա»։
Թրամփը նաև ԱՄՆ պետքարտուղար Մարկո Ռուբիոյին Կուբայի նախագահ նշանակելու գաղափարը հիանալի է անվանել։
X սոցիալական ցանցի օգտատերը գրել է, որ Ռուբիոն «կդառնա Կուբայի նախագահ»։
«Հիանալի գաղափար է», - գրել է Թրամփը Truth Social-ում՝ մեկնաբանելով օգտատիրոջ գրառումը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
