Իրանում եռօրյա սուգ է հայտարարվել
Աշխարհ
Իրանի կառավարությունը եռօրյա սուգ է հայտարարել, հայտնում է Press TV-ն:
Նշվում է, որ սուգը հայտարարվել է անկարգությունների ընթացքում տասնյակ իրանցիների, այդ թվում՝ անվտանգության ուժերի ներկայացուցիչների զոհվելու կապակցությամբ:
Հունվարի 8-ին Իրանում բողոքի երթեր են անցկացվել 1979 թվականին տապալված իրանական շահի ժառանգ Ռեզա Փեհլևիի կոչից հետո: Չնայած սոցցանցերում տարածված լայնածավալ ու զանգվածային ակցիաների տեսանյութերին, իրանական Fars գործակալությունը պնդել է, որ ելույթները «սահմանափակ» բնույթ են կրել: Բողոքի շարժման ակտիվացման ֆոնին երկրում անջատել են ինտերնետը, բջջային և քաղաքային հեռախոսակապը:
IRIB գործակալությունն ավելի վաղ հայտնել էր, որ բողոքի ակցիաների ընթացքում տուժել են մասնավոր սեփականությունն ու քաղաքային ենթակառուցվածքները. ոչնչացվել են տրանսպորտային միջոցներ, այդ թվում՝ շտապօգնության մեքենաներ և քաղաքային ավտոբուսներ, վնասվել են մետրոյի կայարաններ, մզկիթներ, բանկեր ու խանութներ: Զոհերի թիվը հասել է 38-ի:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
