Վրաստանի նախկին վարչապետ Ղարիբաշվիլին դատապարտվել է հինգ տարվա ազատազրկման
Աշխարհ
Վրաստանի նախկին վարչապետ Իրակլի Ղարիբաշվիլին, որը մեղավոր էր ճանաչվել փողերի լվացման մեջ, դատապարտվել է հինգ տարվա ազատազրկման։ ՏԱՍՍ-ի փոխանցմամբ այս մասին հայտնում է Վրաստանի Գլխավոր դատախազությունը։
Հիշեցնենք, որ Ղարիբաշվիլուն մեղադրանք է առաջադրվել Վրաստանի քրեական օրենսգրքի 194-րդ հոդվածով, որը վերաբերում է փողերի լվացմանը և առանձնապես խոշոր չափերի եկամուտների ձեռքբերմանը։
Ըստ դատախազության՝ 2019-2024 թվականներին Վրաստանի պաշտպանության նախարարի և վարչապետի պաշտոնը զբաղեցրած Ղարիբաշվիլուն Վրաստանի օրենսդրությամբ արգելվում էր զբաղվել ձեռնարկատիրական գործունեությամբ կամ ստանալ վարձատրություն, բացի իր պաշտոնական աշխատավարձից։
Չնայած դրան՝ նա գաղտնի զբաղվել է բիզնեսով և ստացել ապօրինի ծագում ունեցող եկամուտներ՝ առանձնապես խոշոր չափերով, հավելել են իշխանությունները։
Հոկտեմբերի 17-ին Իրակլի Ղարիբաշվիլիի բնակարանում իրականացված խուզարկության ընթացքում մի շարք իրեղեն ապացույցներ են ձեռք բերվել, այդ թվում՝198 միավոր ոսկերչական իրեր, թանկարժեք նկարներ, 50 բջջային հեռախոս և 119 այլ էլեկտրոնային սարքեր։ Այդ նույն խուզարկության ընթացքում հայտնաբերվել և առգրավվել է նաև 6 միլիոն 500 հազար ամերիկյան դոլար։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
