Շոյգուն դատապարտել է արտաքին ուժերի կողմից Իրանի ներքին գործերին միջամտելու հերթական փորձը
Աշխարհ
Ռուսաստանի Անվտանգության խորհրդի քարտուղար Սերգեյ Շոյգուն Իրանի Ազգային անվտանգության գերագույն խորհրդի քարտուղարի հետ հեռախոսազրույցի ժամանակ դատապարտել է արտաքին ուժերի կողմից երկրի ներքին գործերին միջամտելու հերթական փորձը, հաղորդում է «Ինտերֆաքս»-ը՝ հղում անելով Ռուսաստանի Անվտանգության խորհրդի մամուլի ծառայությանը։
«Շոյգուն իր ցավակցությունն է հայտնել բազմաթիվ զոհերի կապակցությամբ։ Ռուսաստանի Դաշնության Անվտանգության խորհրդի քարտուղարը խստորեն դատապարտել է արտաքին ուժերի կողմից Իրանի ներքին գործերին միջամտելու հերթական փորձը», - ասվում է մամուլի ծառայության հայտարարության մեջ։
Նշվում է, որ Ռուսաստանի Դաշնության Անվտանգության խորհրդի քարտուղարը պատրաստակամություն է հայտնել զարգացնել երկկողմ համագործակցությունը՝ հիմնվելով Ռուսաստանի և Իրանի միջև Համապարփակ ռազմավարական գործընկերության համաձայնագրի վրա։
«Կողմերը համաձայնել են շարունակել շփումները և համակարգել իրենց դիրքորոշումները՝ անվտանգությունն ապահովելու համար», - նշել է ՌԴ Անվտանգության խորհուրդը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
