Կնոջը թույլ չեն տվել Վարշավայից Ցյուրիխ թռչել ճակատին գրության պատճառով
Այլ
Ուկրաինացի կինը չի կարողացել թռչել Վարշավայից Ցյուրիխ՝ ճակատին հումորային գրության պատճառով, հաղորդում է Wiadomosci-ն։
29-ամյա կինը ճակատին շրթներկով գրել է «բոմբ» և այդպես շրջել օդանավակայանում։ Անվտանգության աշխատակիցները արձագանքել են իրավիճակին և անմիջապես ձերբակալել նրան։ Նշվում է, որ ուղևորուհին որևէ ագրեսիա չի ցուցաբերել ոստիկանների նկատմամբ։
Ավելի ուշ ուկրաինացի կնոջը մանրակրկիտ խուզարկել են, իսկ նրա ուղեբեռը ստուգվել է։ Հաղորդվում է, որ վտանգավոր իրեր չեն հայտնաբերվել։
Անվտանգության աշխատակիցների հետ զրույցում կինը պնդել է, որ դա կատակ է եղել։ Սակայն նա խախտել է օդանավակայանի անվտանգության կանոնները և պատասխանատվության ենթարկվել։
«Կինը տուգանվել է 500 զլոտիով խախտման համար», - ասվում է հաղորդագրության մեջ։
Ավիաընկերությունը նույնպես նկատել է նրա գործողությունները։ Աշխատակիցները ուկրաինացի կնոջը հեռացրել են չվերթից։
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
