Ինքնաթիռի ուղևորը հանկարծակի կորցրել է գիտակցությունը վայրէջքից առաջ և մահացել

Cathay Pacific ավիաընկերության ինքնաթիռի ուղևորը հանկարծակի կորցրել է գիտակցությունը թռիչքի ժամանակ և մահացել։

Դեպքը տեղի է ունեցել հունվարի 11-ին՝ Ամստերդամից Հոնկոնգ թռչող ինքնաթիռում։ 53-ամյա հոլանդացին կորցրել է գիտակցությունը վայրէջքից առաջ։ Բորտուղեկցորդուհիները անմիջապես առաջին բուժօգնություն են ցուցաբերել, սակայն նա այդպես էլ գիտակցության չի եկել։

Հոնկոնգի միջազգային օդանավակայանում ինքնաթիռին դիմավորել են ոստիկաններն ու շտապօգնության աշխատակիցները։ Նրան տեղափոխել են հիվանդանոց, որտեղ բժիշկները արձանագրել են նրա մահը։