«Հրապարակ». Ինչպես են դավանափոխ արել
Հայկական Մամուլ
«Հրապարակ» թերթը գրում է. «Հայ առաքելական եկեղեցու «բարենորոգման» եւ այդ նպատակով համակարգող խորհուրդ ձեւավորելու մասին հայտարարությունից օրեր անց մի քանի քահանաներ հայտարարեցին «բարենորոգման» ծրագրին միանալու մասին, խոսքը մոտ երկու տասնյակ քահանաների մասին է, որոնց մեծ մասը գործունեություն է ծավալում Փաշինյանին միացած տասը տիրադավների առաջնորդած թեմերում։
Այս պահի դրությամբ նրանցից 8-ն Արարատյան թեմից է, որի առաջնորդ Նավասարդ արքեպիսկոպոս Կճոյանը եւս դեմ է դուրս եկել Գարեգին Երկրորդին: Մեզ պատմեցին, որ, այդուհանդերձ, տիրադավներին ու հակաեկեղեցական արշավին միացած քահանաներն ինքնակամ որոշումներ չեն ընդունել։
Փաշինյանի հիշյալ հայտարարությունից հետո գործի են անցել իրավապահները, ում դեմ կարողացել են կոմպրոմատ գտնել, դրանով են ծնկի բերել, իսկ մյուսներին սոցիալական եւ ֆինանսական երաշխիքներ են տվել, որ պետությունը կհոգա նրանց վարձատրության հարցը, անգամ բնակարանների մասին խոստումներ են տվել՝ փորձելով նյութական շահագրգռությամբ իրենց կողմը բերել։
Եկեղեցին ներսից քանդելու գործընթացն ու նման բանակցությունները դեռ շարունակվում են, սակայն վերջին օրերին կարծես նոր միացողներ չկան։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
