Սանկտ Պետերբուրգում նկատել են սառցե «ուրվական»

Ռուսաստանի Սանկտ Պետերբուրգ քաղաքում հայտնվել է անսովոր սառցե կառուցվածք, որը տեղացիները անվանել են «ուրվական»։ «Ֆոնտանկա» պարբերականի հաղորդմամբ՝ սառցե քանդակը նկատվել է քաղաքի հյուսիսում՝ Պառնաս թաղամասի Զարեչնայա փողոցում գտնվող բնակելի համալիրներից մեկի մոտ։

Սառցե «ուրվականը» ձևավորվել է ջրահեռացման խողովակի շուրջ՝ սառնամանիքի հետևանքով։ Սառույցը կուտակվել է այնպես, որ ստացել է կապյուշոնի և թիկնոցի տեսք՝ ստեղծելով մարդկային ուրվականի տպավորություն, ինչը արագ տարածվել է սոցիալական ցանցերում և դարձել լուսանկարների թեմա։

Ավելի վաղ նույն շրջանում բնակիչները բողոքել էին կոյուղաջրերի արտահոսքից և ջրամատակարարման անջատումից։ Միաժամանակ նշվում է, որ 2025 թվականի արդյունքներով Սանկտ Պետերբուրգը ճանաչվել է Ռուսաստանի ամենաբարձր անհանգստության մակարդակ ունեցող քաղաքը․ բնակիչների անհանգստության ինդեքսը գրեթե եռապատկվել է՝ հասնելով ռեկորդային ցուցանիշի և առաջին անգամ վեց տարվա ընթացքում գերազանցելով Մոսկվային։