Ճապոնիայի իենը կտրուկ անկում է ապրել՝ հասնելով դոլարի նկատմամբ նվազագույն մակարդակի

Ճապոնիայի ազգային արժույթը՝ իենը, դոլարի նկատմամբ իջել է մինչև 2024 թվականի հուլիսից ի վեր ամենացածր մակարդակը․ գրում է Bloomberg-ը։ Երեքշաբթի՝ հունվարի 13-ին, փոխարժեքը նվազել է շուրջ 0.5 տոկոսով՝ հասնելով 158.91 իեն մեկ դոլարի դիմաց։

Անկման հիմնական պատճառը դարձել են շուկաներում շրջանառվող լուրերը, թե Ճապոնիայի վարչապետ Սանաե Տակաիթին կարող է հայտարարել արտահերթ ընտրությունների մասին։ Քաղաքական անորոշությունը մեծացրել է ներդրողների զգուշավորությունը, ինչի հետևանքով ճնշում է գործադրվել ազգային արժույթի վրա։

Bloomberg-ը նշում է, որ 2025 թվականին իենը «Մեծ տասնյակի» երկրների արժույթների շարքում գրանցել է ամենաթույլ ցուցանիշը՝ դոլարի նկատմամբ ամրապնդվելով ընդամենը 0.3 տոկոսով։ Որոշ վերլուծաբաններ կանխատեսում են, որ մինչև 2026 թվականի վերջը իենը կարող է թուլանալ մինչև 160 իեն մեկ դոլարի դիմաց կամ նույնիսկ ավելի։ Միաժամանակ նշվում է, որ 2025 թվականի դեկտեմբերին իենը հասել էր պատմական նվազագույն մակարդակի՝ օֆշորային յուանի նկատմամբ, ինչը դիտարկվում է Ճապոնիայում ներմուծվող ինֆլյացիայի հնարավոր աճի նախանշան։