2025-ին Ռուսաստանում ամենապահանջված ավտոմեքենան կրկին դարձել է Lada Granta-ն

2025 թվականին Ռուսաստանում ամենավաճառվող ավտոմեքենաների ցանկը չորրորդ տարին անընդմեջ գլխավորել է Lada Granta մոդելը․ տարվա ընթացքում վաճառվել է մոտ 147 հազար ավտոմեքենա՝ ներառյալ նույն հարթակի վրա հավաքված տարբերակները։ Այդ մասին հայտնում են «Իզվեստիա»-ն՝ հղում անելով «Ավտոստատ» վերլուծական գործակալության հաշվետվությանը։

Երկրորդ տեղում նույնպես «ԱվտոՎԱԶ»-ի արտադրանքն է՝ Lada Vesta-ն՝ 79.8 հազար վաճառքով։ Ամենապահանջված արտասահմանյան ավտոմեքենան Ռուսաստանում մնացել է Haval Jolion քրոսովերը՝ 65.8 հազար միավոր։ Չորրորդ հորիզոնականում է Belgee X50-ը՝ 38.3 հազար, իսկ հնգյակը եզրափակում է Geely Monjaro-ն՝ 37.7 հազար վաճառքով։

Առաջատար տասնյակում են նաև Haval M6-ը (36.1 հազար), Lada Niva Legend-ը (34.3 հազար), Niva Travel-ը (34.1 հազար), Changan Uni-S/CS55 Plus-ը (30.6 հազար) և Lada Largus-ը (27.7 հազար)։ Միայն երկու մոդել են գրանցել աճ՝ Belgee X50-ը (+25%) և Lada Largus-ը (+96.6%)։ Մնացած ութ մոդելների վաճառքները նվազել են, իսկ ամենամեծ անկումը գրանցվել է Lada Vesta-ի մոտ՝ 35.2%։ Նշվում է նաև, որ դեկտեմբերին լավագույն տասնյակ է մտել նոր Lada Iskra մոդելը։