Խուլիո Իգլեսիասը մեղադրվում է բռնաբարության և ծեծի մեջ

Իսպանացի երգիչ Խուլիո Իգլեսիասին մեղադրանք է առաջադրվել երկու կին աշխատակցուհիների նկատմամբ սեռական ոտնձգություն կատարելու մեջ, հաղորդում է The Independent-ը։

Ըստ աղբյուրի՝ արտիստի դեմ մեղադրանքները ներկայացրել են Իգլեսիասի առանձնատանը աշխատող երկու կանայք։ Տուժածներից մեկը պնդել է, որ երգիչը ստիպել է իրեն սեռական հարաբերություն ունենալ, նվաստացրել և ծեծել է։ Մյուս աշխատակցուհին պնդել է անպատշաճ վարքի, վիրավորանքների, նվաստացման և ընդհանուր առմամբ անառողջ ու բռնարար միջավայրի մասին։

Երգչի ներկայացուցիչներից կամ 82-ամյա Իգլեսիասից որևէ մեկնաբանություն չի եղել։