Թաիլանդում մերկ զբոսաշրջիկն ընկել է յոթերորդ հարկի պատուհանից և ողջ մնացել (լուսանկար)

Թաիլանդում հանգստացող 63-ամյա բելգիացի զբոսաշրջիկը մերկ վիճակում հայտնաբերվել է հյուրանոցի պատուհանի տակ, հաղորդում է The Pattaya News-ը։

Դեպքը տեղի է ունեցել հունվարի 13-ի առավոտյան Պատտայայի Սոյ Բուախաո փողոցում։ Ականատեսները հայտնել են, որ մերկ օտարերկրացին ընկել է հյուրանոցի յոթերորդ հարկի պատուհանից։ Տղամարդը ողջ է մնացել և օգնություն է կանչել։

Դեպքի վայր ժամանած ոստիկանությունը պարզել է, որ տուժածն ընկել է իր սենյակի պատուհանից։ Նա սկզբում ընկել է ծածկի վրա, ապա գետնին՝ ստանալով լուրջ վնասվածքներ։ Փրկարարները առաջին բուժօգնություն են ցուցաբերել և ուղևորին տեղափոխել հիվանդանոց։

Ոստիկանները ներկայումս հետաքննում են միջադեպի պատճառը։  Հետաքննությունը շարունակվում է։