ՆԱՏՕ-ն ծանր ռազմական ինքնաթիռներ է տեղափոխում Լեհաստանի Ժեշով քաղաք

Լեհական Ժեշով քաղաքում գրանցվել է ՆԱՏՕ-ի ռազմական տրանսպորտային ինքնաթիռների ակտիվության կտրուկ աճ: Վերջին մի քանի օրերի ընթացքում տեղի օդանավակայան են ժամանել մի քանի ռազմական տրանսպորտային ինքնաթիռներ՝ Բելգիայից Airbus A400M Atlas, լեհական Gulfstream G550, երկու կանադական Lockheed CC-130J Hercules և բրիտանական Boeing C-17A Globemaster II, հաղորդում է mk.ru-ն:

Հրապարակման համաձայն՝ Ժեշով են ժամանել նաև երկու Airbus A330-243 MRTT տանկեր, որոնք սովորաբար օգտագործվում են ռազմավարական գործողությունների և երկար հեռավորությունների թռիչքների աջակցության համար, ինչը կարող է վկայել իրականացվող լոգիստիկ գործունեության մասշտաբի մասին:

Ժեշովը ՆԱՏՕ-ի գլխավոր հանգույցն է Ուկրաինայի զինված ուժերին զենքով, զինամթերքով և այլ ռազմական բեռներով մատակարարելու համար: Հեղինակի խոսքով՝ թռիչքների կտրուկ աճը կարող է վկայել մատակարարումների ծավալների աճի և Ուկրաինայի համար լոգիստիկ գործողությունների ակտիվացման մասին: