Մարդը «ծրագրավորված է» մահվան համար, բայց երկարակեցությունը լուծելի խնդիր է. Իլոն Մասկ

Ամերիկացի ձեռնարկատեր Իլոն Մասկը հայտարարել է, որ մարդու օրգանիզմը ծրագրավորված է մահվան համար, սակայն երկարակեցության խնդիրը հնարավոր է լուծել։ Այդ մասին գրում է Fortune-ը՝ հղում անելով Moonshots with Peter Diamandis փոդքաստին տված հարցազրույցին։ Մասկի խոսքով՝ եթե հնարավոր լինի «փոխել այդ ծրագիրը», մարդը կկարողանա ապրել ավելի երկար։

Tesla-ի և SpaceX-ի ղեկավարը նշել է, որ մարդու բոլոր օրգաններն ու մարմնի մասերը ծերանում են սինխրոն կերպով, ինչը, նրա կարծիքով, վկայում է գործընթացը վերահսկող միասնական մեխանիզմի գոյության մասին։ «Ոչ ոքի մոտ չկա ծեր ձախ ձեռք և երիտասարդ աջ ձեռք։ Ինչո՞վ է պահպանվում այդ սինխրոնացումը», — հարցադրում է արել Մասկը։

Եզրափակելով՝ Մասկը վստահեցրել է, որ տեսանելի ապագայում բոլորը կունենան բարձրակարգ առողջապահության հասանելիություն, սակայն դա կարող է նոր խնդիրներ առաջացնել․ հասարակությունը կարող է դառնալ ավելի իներտ, իսկ կազմակերպությունների ղեկավարներն ու քաղաքական գործիչները՝ չցանկանալ հեռանալ պաշտոններից՝ ավելի երկար ապրելու հնարավորության պատճառով։