Բլոգերը կարծում է՝ Պուգաչովան այլևս չի վերադառնա Ռուսաստան

Ռուսաստանցի բլոգեր Նիկոլայ Սոբոլևը, որը վերջերս դուրս է բերվել օտարերկրյա գործակալների ռեեստրից, կարծիք է հայտնել, որ երգչուհի Ալլա Պուգաչովան չի վերադառնա Ռուսաստան։ Այդ մասին նա ասել է Metametrica նախագծին տված հարցազրույցում՝ նշելով, որ արտիստուհին այլևս չունի նման անհրաժեշտություն կամ մոտիվացիա։

Սոբոլևի խոսքով՝ Պուգաչովան չի վերադառնա նաև նախկին բեմական ակտիվությանը և չի ձգտի կրկին հանդես գալ խոշոր դահլիճներում։ Նա արտիստուհուն բնութագրել է որպես «ուժեղ և կոշտ կին»՝ հավելելով, որ նրա ներկայիս հումանիստական դիրքորոշումը, իր կարծիքով, ավելի շատ կերպար է, քան խորքային համոզմունք։

Բլոգերը նաև նշել է, որ իրականում Պուգաչովան մեծ հետաքրքրություն չի ցուցաբերում քաղաքականության կամ աշխարհում տեղի ունեցող գործընթացների նկատմամբ։ Ավելի վաղ կոմպոզիտոր Ռայմոնդ Պաուլսը ևս հայտնել էր, որ երկար տարիներ է՝ այլևս չի համագործակցում Պուգաչովայի հետ, սակայն նրանց հարաբերությունները մնում են նորմալ։