Կոկաին տեղափոխած ուղևորուհին սկանդալ է բարձրացրել թռիչքի ընթացքում

Կանադական Wasaya Airways ավիաընկերության ուղևորուհին մեղադրվում է հարձակման և թմրանյութերի առևտրի մեջ այն բանից հետո, երբ թռիչքի ընթացքում սկանդալ է բարձրացրել․ հայտնում է People-ը։ Դեպքը տեղի է ունեցել հունվարի 9-ին՝ Սու-Լուքաութից Կասաբոնիկա իրականացվող չվերթի ժամանակ։

Թռիչքից մոտ 15 րոպե անց օդաչուն որոշում է ընդունել վերադարձնել օդանավը մեկնման օդանավակայան՝ ուղևորուհու անկարգ պահվածքի պատճառով։ Վայրէջքից հետո 44-ամյա կնոջը դիմավորել է ոստիկանությունը, որը պարզել է, որ նա ինքնաթիռ է բարձրացել կոկաինով։

Տեղական լրատվամիջոցների տվյալներով՝ կինը ազատ է արձակվել գրավի դիմաց՝ որոշ սահմանափակող պայմաններով։ Դատական փաստաթղթերի համաձայն՝ գործով առաջին լսումը նշանակված է հունվարի 19-ին։