Ե՞րբ է տղամարդկանց սեռական ցանկությունն իր գագաթնակետին հասնում

Կա կարծրատիպ, որ սեռական ցանկությունը անխուսափելիորեն մարում է տարիքի հետ, և երիտասարդությունը գագաթնակետային ակտիվության շրջանն է։ Սակայն նոր, լայնածավալ ուսումնասիրությունը հերքում է այս տեսակետը, գոնե տղամարդկանց դեպքում։ Պարզվում է, որ տղամարդիկ իրենց լիբիդոյի գագաթնակետին հասնում են շատ ավելի ուշ, քան ընդունված է ենթադրել։

Այս մասին հաղորդում է The Daily Mail-ը։

Գիտնականները վերլուծել են 20-ից 84 տարեկան ավելի քան 67,000 մեծահասակների տվյալներ։ Արդյունքները բացահայտել են անսպասելի միտում. տղամարդկանց սեռական ցանկությունը սկսում է աճել 20-30 տարեկանում և հասնում է գագաթնակետին 40-ի սկզբին։ Դրանից հետո տեղի է ունենում միայն աստիճանական, այլ ոչ թե կտրուկ անկում։

Հետաքրքիր է, որ 60-ամյա տղամարդիկ ցուցաբերել են սեռական ցանկության նույն մակարդակը, ինչ իրենց 20-ամյա «մրցակիցները»։

Հետազոտողները այս բացահայտումն անվանել են անսպասելի, քանի որ տեստոստերոնի մակարդակը սկսում է կենսաբանորեն նվազել 30 տարեկանից հետո։

Գիտնականները խոստովանում են, որ հոգեբանական գործոնները կարևոր դեր են խաղում. կայուն հարաբերությունները և 40 տարեկանում հուզական հասունությունը նպաստում են ինտիմ կյանքի ավելի լավ որակին։