Ղազախստանը կտրուկ ավելացրել է ավտոմեքենաների ներմուծումը Ռուսաստանից

Ղազախստանը 2025 թվականի հունվարից մինչև նոյեմբեր ընկած ժամանակահատվածում զգալիորեն մեծացրել է ավտոտեխնիկայի ներմուծումը Ռուսաստանից։ Այդ մասին հայտնում է ՏԱՍՍ-ը՝ հղում անելով երկրի ազգային վիճակագրության բյուրոյի տվյալներին։

Ըստ պաշտոնական թվերի՝ նշված շրջանում Ղազախստանի շուկա է ներմուծվել ռուսական արտադրության 6 703 թեթև և բեռնատար-ուղևորատար ավտոմեքենա, մինչդեռ 2024 թվականի նույն ժամանակահատվածում այդ ցուցանիշը կազմել էր 5 099 մեքենա։ Արդյունքում աճը այս կատեգորիայում հասել է 33 տոկոսի։

Ամենամեծ աճը գրանցվել է բեռնատարների հատվածում․ 2025 թվականի 11 ամիսների ընթացքում Ռուսաստանից ներմուծվել է 481 բեռնատար ավտոմեքենա, ինչը 184 տոկոսով ավելի է նախորդ տարվա 169 միավորի համեմատ։ Աճ է արձանագրվել նաև հատուկ տեխնիկայի ներմուծման մեջ՝ ներառյալ ավտոկռունկները, հրշեջ մեքենաները, բետոնատարներն ու կոմունալ տեխնիկան, որոնց մատակարարումները մեկ տարվա ընթացքում ավելացել են 16 տոկոսով