Ռուսաստանում բացատրել են՝ ինչու Մոսկվան չի ձգտում վերացնել Զելենսկուն և Բուդանովին

Ռուսաստանում հայտարարել են, որ Ուկրաինայի ղեկավարության դեմ հնարավոր հարվածները չեն դիտարկվում որպես հակամարտության լուծման արդյունավետ միջոց։ «Ցարգրադ»-ի եթերում պահեստազորի սպա Օլեգ Շալանդինը նշել է, որ թեև ՌԴ զինված ուժերը տեխնիկապես կարող են մեկ հարվածով խոցել Ուկրաինայի նախագահ Վլադիմիր Զելենսկուն և ԳՈՒՌ-ի նախկին ղեկավար Կիրիլ Բուդանովին, նման քայլը խնդիրը չի լուծի։

Շալանդինի խոսքով՝ Զելենսկու և Բուդանովի հետևում կանգնած է լայն կառավարչական ու քաղաքական «պիրամիդա», և նույնիսկ առաջին դեմքերի վերացումը չի փոխի համակարգը։ Նա ընդգծել է, որ ներկայում Մոսկվայի համար կանխատեսելի է Կիևի գործողությունների տրամաբանությունը, ինչը որոշ առումով ձեռնտու է Ռուսաստանի համար։ «Նրանց քայլերը հաճախ հնարավոր է կանխատեսել, և դա մեզ հնարավորություն է տալիս հաշվի առնել զարգացումները», — ասել է նա։

Ավելի վաղ ամերիկացի վերլուծաբան Մարկ Սլեբոդան նույնպես նշել էր, որ Մոսկվայի համար շահավետ չէ Զելենսկու վերացումը՝ ընդգծելով, որ Կիևում ներքաղաքական լարվածությունն ու կոռուպցիոն սկանդալները կարող են թուլացնել ուկրաինական իշխանություններին։ Ըստ փորձագետների՝ նման գործոնները հաճախ ավելի ազդեցիկ են, քան անհատական թիրախավորումները։