Զախարովան զգուշացրել է Մեծ Բրիտանիային՝ նավերի հնարավոր խոցման մասին

Ռուսաստանը Մեծ Բրիտանիայի կողմից ռուսական նավերի հնարավոր որսումը կամ ձերբակալումը կդիտի որպես միջազգային ծովային իրավունքի խախտում։ Այդ մասին ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ փոխանցում է «Լենտա.ռու»-ի թղթակիցը։

Զախարովայի խոսքով՝ Լոնդոնի նման նախաձեռնությունները ուղղված են Ռուսաստանի շահերին վնաս հասցնելուն և կհամարվեն ՄԱԿ-ի Ծովային իրավունքի մասին 1982 թվականի կոնվենցիայի դրույթների ուղղակի խախտում։ Նա ընդգծել է, որ հենց այդ կոնվենցիայի պահպանության օգտին է մշտապես հանդես եկել նաև Մեծ Բրիտանիան։

Ավելի վաղ The Times-ը գրել էր, որ բրիտանական իշխանությունները գտել են իրավական հիմքեր՝ ռուսական ստվերային նավատորմի» հետ կապ ունեցող տանկերների հնարավոր ձերբակալման համար։ Հրապարակման համաձայն՝ այդ նպատակով նախատեսվում է կիրառել 2018 թվականի պատժամիջոցների և փողերի լվացման դեմ պայքարի մասին օրենքը։