Կուբայում կավելացվի ռուսական ավտոմեքենաների արտադրությունը

Ուլյանովսկի ավտոմոբիլային գործարանը (ՈւԱԶ) 2026 թվականին նախատեսում է զգալիորեն մեծացնել Կուբայում ավտոմեքենաների արտադրության ծավալները, որը մեկնարկել է 2025 թվականի ապրիլին։ Այդ մասին ՏԱՍՍ-ին հայտնել են ընկերության մամուլի ծառայությունից։

Ըստ հաղորդագրության՝ վերջին ամիսներին Կուբայում արդեն հավաքվել են ռուսական արտադրության մի քանի տասնյակ ավտոմեքենաներ, իսկ տեղական գործընկերների հետ գրեթե բոլոր կազմակերպչական հարցերը հաջողությամբ լուծվել են։ Սա հնարավորություն է տվել ՈւԱԶ-ին անցնել արտադրության ընդլայնման փուլին։

Նախապես հայտարարվել էր, որ լատինամերիկյան երկրում գործող գործարանը տարեկան կարտադրի մինչև 1,5 հազար «Պատրիոտ» և «Փիքափ» մոդելներ՝ հարմարեցված Կուբայի կլիմայական պայմաններին և ճանապարհային առանձնահատկություններին։ Այդ նպատակով գործարանում տեղադրվել է ժամանակակից սարքավորում և ներդրվել են որակի վերահսկման համակարգեր։